السلام عليكم ..
اولاً : سن القبول بالمدرسة لا يقل عن 4 سنوات فى 1/10 غالبا بيكون من سن 4 سنوات و3 شهور دا السن اللى قبل بنتى السنة اللى فاتت السنة دى كان السن 4 سنوات و8 شهور تقريبا .. القسم الانجلش بياخدوا سن قبول اكبر من الفرنسى لان المتقدم فى هذا القسم عدده كبير .. فالاولوية للسن الكبير ويتم عن طريق (التنسيق) .
ثانياً : التقديم بيكون من 1/6 وليس قبل ذلك
ثالثا ما فيش ساينس فى كجى .. غالبا اللى بيدوا ساينس فى كجى المدارس الانترناشيونال وليس الناشيونال
رابعاً: كثافة الفصل فى كجى تو 33 فى القسم الانجلش بس هناك اتجاه لزيادة الفصول مع ملاحظة انهم كانوا فى كجى وان 24 فقط مش عارفة الزيادة دى جت ازاى هل قبلوا تحويلات مثلا أو ..
خامساً: اللغة الثانية من الصف الثالث الابتدائى (لغة فرنسية فقط) ... لا توجد لغات اخرى
سادساً : هناك مراجعات و شيتات تقدم فى المدرسة .. المراجعات اللى نزله عن طريق الاعضاء دى مراجعات اضافية واجتهدات من اولياء الامور يشكرون عليها (التنويع فى شكل الاسئلة والاسلوب يعطى للطالب فرصة اكبر فى التحصيل وتثبيت المعلومات)
سابعاً : ودا رائ شخصى لى ..
كل المدارس فيها عيوب وتقريبا كل اولياء الامور عايزيين ينقلوا ولادهم من مدارسهم لمدارس تانيه طيب هايوادوهم فين؟؟؟؟؟؟؟؟ لازم احنا نساهم فى اصلاح العيوب من غير ماننقلهم مدارس تانية,,, هنفضل نجرب في ولادنا مدارس جديده لغاية امتى وبرده مش هنكون راضيين,, عبء المدارس ده هم كبير اوي على اولياء الامور ... زماااان كل واحد فينا دخل مدرسة من اولى ابتدائي خرج منها على الجامعة على طول من اول المدارس الحكومه لغاية اغلى المدارس اللي كانت موجوده وقتها, لكن دلوقتي المدرسه اللي 100 زي اللي 2000 زي اللي5000 زي اللي 20000 كل اولياء الامور بيشتكوا,,